Rev 5 | MCQ | STEP | Ea ka'ene toronu 'ahi hinajara puka ka'ene asura vaja vene 'ee hura veji'inijaho ija mana'inija'i 'unanavume kavuta. Puka kajaho aja iropu no'o tahuhara.

Revelation of John 5

Puka 'Ee Aja Iropu No'ona

1 Ea ka'ene toronu 'ahi hinajara puka ka'ene asura vaja vene 'ee hura veji'inijaho ija mana'inija'i 'unanavume kavuta. Puka kajaho aja iropu no'o tahuhara. 2 Na ka'eme 'ona oji'ina harusinijara ira ajira ika'ina 'umenana. Ea irara areri pukakaho jarae aja turaku'ena? 3 Ei pini akúpa 'ahi hinuna ho mwe'i hinuna ho mwe'i hari hinuni areri pukake rasame kahuna pana. 4 'Ene na ijihuna'e ajira niravuta. Ijihuni maijaho ea ka'ene areri pukake jarae kahuna pa'ana. 5 'Ene eruta pini ijá 'warimana. Niramujaho are'i kaivo ike hena. Juta opuni Raioni ka'ene Teviti oni amujijara sisea asitahana'omo Hu areri pukakaho jarae aja iropu no'o rasahuna. 6 Na niri'i kavujaho toronu riri unenu 'aho'a mai'o hiji'ina no'ona no'o 'ee eruta puni vaji Remua ka'ene 'anaume kwama ja'ina'e ijí naminana. Huni atana iropu no'one 'ee nia iropu no'ona. Ijijahija Godoni 'Avena iropu no'o ka'ene irechamiume mwe'i maho'o va'ajivajina. 7 Hura ro 'e'una roe toronu 'ahi hina jihuni ija mana'ina vaji puka ka'ene namajaho apenana. 8 Hu puka kaji apenajaho unenu 'aho'a mai'o hiji'ina no'ona no'o 'ee eruta (24) ijija Huni una'i arihara. Pu 'oi'oi kita sa'ina 'ee tevua korutia veji'ini jijahija venu'a amua mamaa itu'ona tuama ajivi'ina 'ekara. Ijijahija Godoni ehipuni siporua. 9 Pu javaa maiu'ina ika'ina vejara.

A pukakaho areri apene huni aja rasahuna. Ijihuni maijaho A kwamajine A kachi'ina amuja 'ee kwaa ara mapoka Godona'e Oni 'aiji 'imena 'ekana. 10 Ara venaume pu ara kwaa ka'ene kiniepo 'ajohujihi rejara. 'Ene núni Godijihuni pirisitia rejara. 'Enajihuna'e pura eaka mapoka ka'ene mwe'akaki hijujija 'ajoahuna.

Remuiji Aromahajina

11 Na niri'i hejujaho 'ona oji'ina mapoki jihipuni ira toronu rori hejuta. 'Ene unenu 'aho'a ka'ene mai'o hiji'ina 'ee eruta mapoka ijí hijara. 'E'eme ea ka'ene ijí hijaha 'ona namajaho niho'o ajarasa rena navara'omo niho'o areri patahuna renana. 12 Pu ira ajira ika'ina 'wavara

Remua ka'ene 'anaajaho Hu arerina'omo Hu harura uneunecha mapoka vwiha mamaa ajisina hura 'ee hanaji'ina ijija Huna. Iha ahasirihuna 'ee merajihuna 'ekahuna 'wavara.
13 Uneunecha ka'ene akúpi 'ahi hijura 'ee mwe'a 'ahi hijura 'ee mwe'a hari hijura 'ee soha 'aha 'ee vaji hijujipo na he'eme ija'ina 'wavara.

Merajihuna 'ee ta'arohuna 'ee iha ahasirihuna 'ee harura majamano toronu 'ahi hinuji'o Remui jihipuna 'wavara.
14 Unenu 'aho'a ka'ene mai'o hiji'ina no'ona no'o majamano nimaa nimaa 'wa'eme eruta ijija Huni una'i mwe'i arihe pu oja mihara.